Барлиқ гунаниң мәнбәси – мәнмәнликтур.

Әссалам қиммәтлик қериндашлар! Бүгүн биз силәр билән гуна нәдин башланди? -дегән сораққа ж,авап беримиз. Люцефер намлиқ бәк чирайлиқ, қабилийәтлик периштә болған. Һәтта Худаниң Өзи Иезекииль 28:12 айәттә бу периштә һәққидә: Сән паклиқниң мөри, даналиққа толған, гөзәлликниң таж,исән – дәп ейтқан. Вә кейинки айәтләрдә Люциферниң кийимлириниң қандақ асил ташлардин ясалғанлиғи баян қилинған. Худаниң униңға шунчилик яхшилиқ қилғанлиғиға қаримастин, у өзини Худадин үстүн қойғиси кәлди. Һә, Худа Өзиниң сәлтәнитини һеч кимгә бәрмәйду, чүнки Муқәддәс китапта шундақ дәп йезилған. Шундақ қилип, 28:17 айәттә Худа периштәгә: Гөзәлликтин қәлбиңдин мәнмәнлик орун алди, атақхумарлиғиңдин даналиқтин мәһрум болдуң, шуңа Мән сени йәргә чүшүриветимән вә сени уятқа қалдуримән дәп ейтиду. Шунда периштә өзи билән биллә башқа периштәләрни әгәштүрүп йәргә чүшүп кетиду. Мана шундин бери у Худаниң тәхтигә талишип, адәмләрниң Худани әмәс өзини мәдһийлишини халап келиватиду. Шуңа у шәйтанға айлинип, адәмләрни аздурмақта. У бизниң Худани мәдһийлигинимизни халимайду. Қиммәтлик дост! Мәнмәнликниң қәлбиңиздин орун елишиға әсла йол бәрмәң, чүнки Муқәддәс китапта: Мәнмәнлик – бизниң пәскә чүшүп кетишимизниң әң биринчи сәвәвидур – дәп йезилған. Худа бизни мол берикәтләп қойған. Бизниң қәлбимиз минәтдарлиққа толған чағда, Худаниң мөж,үлирини һаятимиздин көрәләймиз. Худа сизгә яр болсун!

 

 

© 2014-2024 Әйса