Қурванлиқ һәққидә Худа Сөзи немә дәйду!

«Мана Бу пүткүл дуниядики инсанларниң гунайидин азат қилиниши үчүн һазирланған Худаниң қозисидур!» Юһанна 1:29

Қәдирлик достум

Адәм ата билән Һава ана гуна өткүзгән әшу вақиттин тартипла, Худа Өзиниң бәндилиригә чоқум мәлум бир нәрсиниң гунаниң төләми үчүн өлүши керәклиги тоғрисида тәлим бәргән. Худа уларға Өзиниң алдида гунакар һаләттә турушниң нәқәдәр қорқунучлуқ екәнлигини көрсәткән. Худа уларға әгәр қан аққузулмиса, гунаниң кәчүрүмгә еришәлмәйдиғанлиғини уқтурған. Худа мундақ дәйду: «Қурванлиқ қени төкүлмәй, гуналар кәчүрүм қилинмайду» Ибранийларға 9:22

Худа өз бәндилиригә өзлириниң гунайи үчүн чоқум қурванлиқ қилиши керәклиги тоғисида тәлим бәрди. Көп чағларда қоза қурванлиқ қилинатти. Йәни гунасиз бир қоза адәмниң гунайи үчүн қурванлиқ қилинатти. Қоза алди билән боғузлинип, андин нәзир чирақ суписида көйдүрүләтти. Худа Өз бәндилиригә әгәр қан аққузулмиса, гуна кәчүрүм қилинмайдиғанлиғидин ибарәт бу һәқиқәт тоғрисида тәлим бәрди. Һайванниң қени бизниң гуналиримизни елип ташлаламду? Яқ! Һәргизму елип ташлалмайду. Бу қурванлиқ пәқәт Әйса Мәсиһниң чапрас яғачта өлүшиниң алдин ала бешаритидур. Худа Өзиниң бәндилиригә бир күни Қутқазғучи Мәсиһниң бу дунияға келидиғанлиғи, Униң худди әшу гунасиз қозиға охшаш бизниң гуналиримиз үчүн чапрас яғачта өлүп, гуналиримизниң қурванлиғи болидиғанлиғи тоғрисида тәлим бериду. Гунайиниң кәчүрүм қилинишини халайдиған адәм, чоқум қозидин бирини баш роһанийниң алдиға апириши һәм қолини қозиниң бешиға қоюп, қоза билән охшаш екәнлигини ипадиләп, қәлбидә: «Әй Худа, мән Сени рәнж,итип қойдум, мән әслидә гунайим үчүн өлүшүм керәк еди, лекин мән Сениң гунайим үчүн бу қозиниң өлүшигә рухсәт бәргәнлигиң үчүн тәшәккүр ейтимән» дейиши керәк деди.

© 2014-2024 Әйса